"La Manada"-ko bortxatzaileen baldintzapeko askatasunaren kontra kalera ateratzeko deia egin du mugimendu feministak

Aimar Gutierrez Bidarte 2018ko ekainaren 21a
Deskargatu Info Ahotsak :

Amurrioko epaitegi aurrean salatu zuen apirilean Aiaraldeko Mugimendu Feministak "La Manada"-ren kontrako epaia. / Aiaraldea.eus

Kalera ateratzeko deia egin du Aiaraldeko Mugimendu Feministak La Manada-ko bost bortxatzaileen baldintzapeko askatasuna salatzeko. Elkarretaratzeak egingo dituzte bihar Urduña, Laudio eta Amurrioko plazetan.

Iruñeko epaitegiak gaur bertan ebatzi du 2016ko San Ferminetan neska bat taldean bortxatu zuten bost gizonezkoen baldintzapeko askatasuna. Haserrea zabaldu da mugimendu feministan eta mobilizazioak iragarri dituzte eskualdean.

Apirilean 26 atera zen La Manada bezala ezagututako erasotzaile taldearen aurkako sententzia, erasoa  egin eta bi urtera. Mugimendu feministak gogor salatu zuen orduan epaia, ez baitzuten bortxaketatzat hartu erasoa, sexu abusutzat baizik. 9 urteko espetxealdira zigortu zituen Iruñeko auzitegiak. Auzitegi horrek berak utzi ditu baldintzapean aske bost kondenatuak, helegitearen zain.

Mobilizazioak eskualdean
Orduan egin bezala kalera ateratzeko deia luzatu du Aiaraldeko Mugimendu Feministak. Bihar, elkarretaratze zaratatsuak egingo dituzte 20:00etan Laudioko Herriko Plazan eta Urduñako Foru Plazan. Amurrion, berriz, 19:30ean izango da zita, Juan Urrutia plazan. 

Jendartea
Erlazionatuak
Epaitegi aurrean salatu dute Iruñeko bortxaketaren epaia
Epaitegi aurrean salatu dute Iruñeko bortxaketaren epaia

Izar Mendiguren Cosgaya 2018 api 27 Amurrio

Laudioko, Aiarako eta Artziniegako Udalak ez daude ados Iruñeako eraso matxistaren epaiarekin
Laudioko, Aiarako eta Artziniegako Udalak ez daude ados Iruñeako eraso matxistaren epaiarekin

Erredakzioa 2018 api 27 Aiaraldea

Ehunka aiaraldear batu dira Iruñeko erasotzaileen epaia salatzeko burrunda feministara
Ehunka aiaraldear batu dira Iruñeko erasotzaileen epaia salatzeko burrunda feministara

Erredakzioa 2018 api 26 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide