Abisu horia 15:00etatik gaueko hamabietara egongo da aktibatuta. Alerta laranja, aldiz, hiru orduz egongo da indarrean, 18:00etatik 21:00etara.
Abisu horia eta alerta laranja aktibatuko ditu Eusko Jaurlaritzako Segurtasun Sailak arratsalde honetan, eurite handiak espero direlako EAEko hainbat puntutan. Jakinarazi dutenez, zenbait tokitan ordubetean 30 litro metro karratuko pilatzera iritsi daitezke. Haizeak ere “bolada oso gogorrekin” jo dezake, ohartarazi dutenez.
Larunbatean ere
Bihar ere abisu horia aktibatzeko asmoa du Segurtasun Sailak, 17:00etatik 00:00etara. “Zaparrada txiki-ertainak eta trumoitsuak egongo dira, baliteke zenbait tokitan handiak izatea eta txingorra egitea, barnealdean batez ere”.
Ekainaren 3an euri zaparrada handiak egon ziren eskualdean. Amurrio izan zen herririk kolpatuena: 50 litro pilatu ziren metro koadroko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
