Aiaraldeko Euskalgintza Kontseiluak Euskaraldia ezagutarazteko 10 tailer antolatu ditu. Urrian gauzatuko dira denak, eskualdeko herri ezberdinetan. Ordubeteko iraupena izango dute saioek, antolatzaileen hitzetan. Apuntatzeko online bete behar da inprimakia, internet bidez. "Azaroan trebakuntza saio gehiago egongo dira", erantsi dute. Momentuz, egunak eta herriak zehaztu dituzte, "tokia apuntatzerakoan esango zaizue".
Honakoak dira herrietako hitzorduak:
- Okondo: Urriaren 4an, soteguna, 19:00etan.
- Amurrio: Urriaren 8an, astelehena, 18:30ean.
- Orozko: Urriaren 9an, asteartea, 18:30ean.
- Urduña: Urriaren 10ean, asteazkena, 18:30ean.
- Laudio: Urriaren 16an, asteartea, 18:30ean. Biztanle kopuruagatik Laudion bi saio eskainiko dituzte. Bigarren hitzordua urriaren 30ean izango da, astelehenean, 18:30ean.
- Areta: Urriaren 18an, osteguna, 18:30ean.
- Artziniega: Urriaren 19an, ostirala, 19:00etan.
- Aiara: urriaren 23an, asteartea, 18:30ean.
- Orozko: Urriaren 25ean, osteguna, 18:30ean.
Herrietako aurkezpenak
Irailaren 22an aurkeztu zuten Aiaraldeko hamaikakoa. Geroztik, batzordeak eratzen ibili dira. Azaroaren 23tik abenduaren 3ra izango da Euskaraldia, eta Ahobizi edo Belarriprest izateko izen-ematea zabalik dago dagoeneko.
Herri mailan nola antolatu zehazten dabiltza herritarrak orain. Dena den, aurreneko hitzorduak prest dituzte jada: Artziniegan, esaterako, ostiralean egingo dute Euskaraldiaren aurkezpena, 19:00etan.