Euskaltzaindian harrera egin diete “Oxigenoa euskarari 6.000 metroan ere” espedizioko kideei

Erredakzioa 2018ko azaroaren 15a
Deskargatu Info Ahotsak :

Atzo egin zieten harrera Euskaltzaindiaren Bilboko egoitzan. / Euskaltzaindia

Bernardo Atxaga eta Miriam Urkia euskaltzainekin egoteko aukera izan dute, besteak beste. Euskara Batuaren Eskuliburua-ren ale bana oparitu zieten espedizioko kideei.

Oxigenoa euskarari 6.000 metroan ere egitasmoan parte hartu duten kide guztiei harrera egin zieten atzo Euskaltzaindiak Bilbon duen egoitzan. Bertan egon ziren Jon Fonbellida, Besaide Astobiza, Iker Zubizarreta eta Julen Reketa aiaraldearrak. Iragan astean itzuli ziren Himalaiatik, euskararen eta xerpa herriaren arteko zubiak egitetik.

Andres Urrutia euskaltzainburuak egin zien harrera espedizioko kideei. Eraikina bisitatu zuten lehenbizi, eta Bernardo Atxaga eta Miriam Urkia euskaltzainekin mintzatzeko parada izan zuten gero.

Oxigenoa Euskarari 6.000 metroan ere ekimenak harreman zuzena du Euskaltzaindiarekin, Felix Mugurutza euskaltzain urgazleak Felipe Uriarte mendizalearekin batera garatu baitzuen proiektuaren hazia.

Euskara
Erlazionatuak
"Erabat asetzen zaitu 6.000 metrotako mendi baten tontorrean egoteak"
"Erabat asetzen zaitu 6.000 metrotako mendi baten tontorrean egoteak"

Aimar Gutierrez Bidarte 2018 aza 14 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide