Eskualdeko Ahobiziek eta Belarriprestek bete dute herriko plaza Euskaraldiaren egun nagusian

Aiaraldeko ehunka Ahobizi eta Belarriprest elkartu dira gaur Laudion kanpainako ekitaldi nagusia alaitzeko.

 Gardea, Latiorro eta Ugarte auzoetatik, zein Aretatik abiatu dira zutabeak eta giro zaratatsuan herrigunerantz jo dute.

Eguerdian elkartu dira eskualdeko Ahobiziak eta Belarriprestak eskutik lotuta plazan. Kiribilak osatu dituzte bertan eta gune ezberdinetan eta partaidetza bilatzen hasi da ekitaldia. Bertsolariek, musikariek, antzezleek, dantzariek ikuskizuna bultzatu dute Ahobizi eta Belarriprestei, herritarrei alegia, protagonismoa emateko. Besteak beste, Korrikako abestia dantzatu da lehenengo aldiz oholtza gainean Aiaraldean.

Euskara egunero erabiltzeko hautuarekin bukatu da ekitaldia, baina ez eguna. Izan ere, gastronomiarako, musikarako, jokoetarako, dantzarako eta lagunekin trago bat hartzeko tartea egon da plazan, bazkari herrikoi erraldoia hasi arte.

Argazkiak: Txabi Alvarado, Aitor Aspuru, Aimar Gutierrez eta Izar Mendiguren.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide