"Zer duzu nahiago, ordutegi aldaketa kendu edo eutsi?" Galdera horri erantzun zioten Europako 28 estatuk, Europako Legebiltzarrak uztailean bideratutako kontsultan. Emaitzek ekimena alboratzearen alde egin zuten, %84 agertu baitziren ordu aldaketa etetearen alde.
Aldeko eta kontrako arrazoiak
Eztabaidan aldeko eta kontrako arrazoiak agertu zituzten ordezkariek. Ordu aldaketari esker lortzen da, batzuen aburuz, energia murriztea, aurrezte ekonomikoa, herrialdeen artean ordu sistema parekatzea, lo garaia hobetzea (argitasuna saihesten baita), osasun aldetik erritmoa aldatzeko gaitasuna (aldaketei aurre egiteko organismoa egokitzea sustatzen delakoan).
Kontrako argudioetan, berriz, aurrezte txikia nabarmendu dute; are, ekologisten iritziz, energia kontsumoa ugaritu liteke. Osasun arazoak eragin litzake, halaber, nerbio sistema alteratzea. Langileen produktibitatea jaisten dela dioten iritziak ere badira; antsietate, neke eta abarren eraginatik. Gainera, gaueko lana luzatzen da, gauez beharra dutenak ordubete gehiago aritzen baitira ilunpetan.
