aiaraldea.eus

Berriak supermerkatuko langileek akordioa lortu dute zuzendaritzarekin

Erabiltzailearen aurpegia Aitor Aspuru Saez   Ekonomia  Aiaraldea

Momentuz, gaur egin behar zituzten mobilizazioak bertan behera utzi dituzte.

Berriak supermerkatuko langileek akordioa lortu dute zuzendaritzarekin
Pasa den asteko mobilizazioen irudia. / Aiaraldea.eus | Ikusi handiago | Argazki originala

Berriak supermerkatuetako langile ordezkariek akordioa erdietsi dute eta batzarrak egingo dituzte hurrengo egunetan beharginek babestu dezaten.

Momentuz, gaur deitutako mobilizazioak bertan behera utzi dituzte eta akordioa behin betiko onartuko balitz, hurrengo asteko elkarretaratzeak ere ez lirateke egingo.

Printzipioz, LAB sindikatuak aurreratu du eskatzen ziren aldarrikapenak jaso dituela enpresak. Hau da, urtero 5 larunbat libre izatea, baita zubi bat ere eta norberak hartzeko bi egun libre. Horrez gain, sartutako aparteko ordu guztiak aintzat hartuko dira eta enpresa eta langileen artean adostuko dute nola konpentsatu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa