Tubacexeko lan heriotza salatzeko mobilizazio eta ekimenek ez dute etenik
Txabi Alvarado Bañares
2019ko ira. 19a, 19:16
Gaur eguerdian elkarretaratzea egon da Laudion Ikasle Abertzaleak, Laudioko Gazte Asanbladak eta Orbeko Etxeak deituta. Arratsaldean Amurrioko lantegiaren sarreran bildu dira langileak, eta Juan Urrutia plazan, aldiz, bihar.
Hainbat mobilizazio egiten ari dira eskualdean asteartean Tubacex taldeko Aceralava fabrikan jazotako lan heriotza salatzeko. Atzo elkarretaratzea egin zuten ehundik gora herritarrek Laudioko Herriko plazan, eta gero Ernai gazte antolakundeko kideen ekimena egin zuten fabrikaren sarreran.
Gaur, aldiz, hainbat ikasle eta herritar batu dira Ikasle Abertzaleak, Orbeko Etxea eta Laudioko Gazte Asanblada eragileek Lamuza plazan egin duten elkarretaratzera.
Beste bi elkarretaratze Tubacexeko Enpresa Batzordeak, bere aldetik bi elkarretaratze deitu ditu. Gaur egin dute lehena, 18:00etan Tubacexen Amurrioko lantegiko atean. Bigarrena bihar izango da, 12:00etan Amurrioko Juan Urrutia plazan. Komiteak jakinarazi du beharginek ezingo dutela lan-orduetan bertaratu mobilizazioetara, zuzendaritzak ez duelako horretarako baimenik eman.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
