Sei sarirekin dator indarkeria matxistari aurre egiteko "Beldur Barik" lehiaketa

Beldur Barik lehiaketako iazko partaideen argazkia.

Hamargarren edizioa izango du indarkeriaren matxistaren kontrako Beldur Barik lehiaketak.

Emakundek sustatutako egitasmoa da Beldur Barik Jarrera. Modu horretan nahi dute gazteen artean kontzientziazioa eta sentsibilizazioa areagotzea. Gainera, azken urteetako ildoari jarraiki, eskualdeko udalerrietara egokitutako ekimena prestatu dute aurten ere. Hain zuzen, Beldur Barik Aiaraldea lehiaketaren baitan, sari bereziak eskuratzeko aukera izango dute Urduña, Amurrio, Aiara, Artziniega, Okondo, Laudio eta Orozkoko gazteek. Ikus-entzunezkoak ekoitzi beharko dituzte horretarako.

Antolatzaileek azaldu dutenez, sei sari egongo dira: bideorik onenentzat 400 euroko sei sari, eta 300 euroko beste bi. Izan ere, poemak, fotonobelak edota bestelako euskarriak ere onartuko dira. Txapelketako oinarri eta ezaugarriak www.beldurbarik.eus webgunean daude. Aipatutako sei sariak hiru kategoriatan bereiziko dira: 12-13 urtekoak, 14-18 artekoak eta 18-25 bitartekoak. Maila guztietan lehen eta bigarren lanik onenak aitortuko dira, 400 euroko sariarekin. Horrez gain, ikus-entzunezkoa ez den lanik borobilena 300 eurorekin aitortuko dute sari bereziaren bidez, baita parte hartze saria ere. Lanak entregatzeko epea azaroaren 5ean amaituko da. Eskualdeko txapelketaren sari banaketa Okondon izango da, azaroaren 22an.

Zer da Beldur Barik jarrera?
Beldur Barik jarreraren definizioaz galdetuta, "indarkeria sexistaren manifestazio anitzak ikusaraztearen garrantzia" nabarmendu dute antolatzaileek, "eguneroko testuinguru eta esparru guztietan hautematen den desorekaren ondorio direnak". Ekimenaren bidez nahi dute gazteek jasaten duten indarkeria matxista hautematea, edota beste adiera batzuk, “translesbohomofobia” kasu. "Erreferente positiboak erakutsi nahi ditugu, ahaldundutako neska indartsuak eta indarkeria  sexistaren aurkako borroka aktiboan inplikatzen diren mutil begirunetsuak, zeintzuek neskei bakarrik eragiten dion zerbait ez dela erakusten duten".

Sustatzaileen esanetan, planteatzen diren irtenbideak indibidualak zein kolektiboak izan litezke. "Indarkeria hau sortzen duten faktoreak eta bere manifestazioak identifikatzeaz gain, kritikoa, urratzailea eta positiboa den jarrerarekin aurre egiten zaio", erantsi dute.

Erlazionatuak

Beldur Barik lehiaketan parte hartu duten aiaraldearren bideoak, hemen ikusgai

Aiaraldea

22 lan aurkeztu dituzte Aiaraldeko ikasleek Beldur Barik lehiaketan. Ostiralean egin zuten emakumeen ahalduntzea sustatzeko egitasmo horren Aiarald...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide