Talde independenteek adierazi dute aniztasun politikoa bukatu dela Aiarako Kuadrillan

Erredakzioa 2019ko azaroaren 6a
Deskargatu Info Ahotsak :

Omnia alderdiko kideak, artxibo irudi batean. / Aiaraldea.eus

Omnia, Aiara Batuz eta Okondo Aurrera taldeek ohar bateratua plazaratu dute salatzeko Aiarako Kuadrillaren Udal Gobernu Batzorde osaketa berriak ez duela inolako aniztasun politikorik izango.

Omnia, Aiara Batuz eta Okondo Aurrera udal taldeek oharra sinatu dute adierazteko Aiarako Kuadrillaren osaketa berriarekin aniztasun politikoa amaitu dela.

EAJk eta PSE-EEk iragan astean adostu zuten Udal Gobernu Batzordean soilik alkateek parte hartzea. Ondorioz, EAJ eta EH Bilduren ordezkariak besterik ez dira arituko.

Talde independenteek nabarmendu dute aurreko legealdian erabaki esparru horretan indar politiko guztiek zutela lekua eta horrela negoziazio eta akordiorako kultura garatu zela.

Dena den, Omniak, Aiara Batuzek eta Okondo Aurrerak hori guztia amaitutzat jo dute eta EAJri egotzi diote gehiengoa horretarako erabiltzea.

Politika
Erlazionatuak
EH Bilduk salatu du EAJk Aiarako Kuadrillako aniztasun politikoarekin bukatu duela
EH Bilduk salatu du EAJk Aiarako Kuadrillako aniztasun politikoarekin bukatu duela

Erredakzioa 2019 aza 02 Araba

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide