aiaraldea.eus

Talde independenteek adierazi dute aniztasun politikoa bukatu dela Aiarako Kuadrillan

Erabiltzailearen aurpegia Erredakzioa   Politika  Aiaraldea

Omnia, Aiara Batuz eta Okondo Aurrera taldeek ohar bateratua plazaratu dute salatzeko Aiarako Kuadrillaren Udal Gobernu Batzorde osaketa berriak ez duela inolako aniztasun politikorik izango.

Talde independenteek adierazi dute aniztasun politikoa bukatu dela Aiarako Kuadrillan
Omnia alderdiko kideak, artxibo irudi batean. / Aiaraldea.eus | Ikusi handiago | Argazki originala

Omnia, Aiara Batuz eta Okondo Aurrera udal taldeek oharra sinatu dute adierazteko Aiarako Kuadrillaren osaketa berriarekin aniztasun politikoa amaitu dela.

EAJk eta PSE-EEk iragan astean adostu zuten Udal Gobernu Batzordean soilik alkateek parte hartzea. Ondorioz, EAJ eta EH Bilduren ordezkariak besterik ez dira arituko.

Talde independenteek nabarmendu dute aurreko legealdian erabaki esparru horretan indar politiko guztiek zutela lekua eta horrela negoziazio eta akordiorako kultura garatu zela.

Dena den, Omniak, Aiara Batuzek eta Okondo Aurrerak hori guztia amaitutzat jo dute eta EAJri egotzi diote gehiengoa horretarako erabiltzea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa