[EMAITZAK HERRIKA] EAJk jaso du babes gehien Kongresurako Aiaraldean, eta EH Bildu izan da bigarren indarra

Espainiako Kongresu eta Senatuko hauteskundeak izan dira gaur, urte bakarrean bigarrenez. Aiaraldeko herri guztietan izan da lehenbiziko indarra EAJ, eta EH Bildu bigarrena:

OKONDO

Okondon 680 lagunek bozkatu dute. EAJk bildu du babes gehien (288 boto), EH Bilduk 173 boz eskuratu ditu, Elkarrekin Podemosek 110, PSE-EEk 46, PPk 27,  Voxek 16, PACMAk 2 eta Ciudadanosek 1. Bozka zuriak 8 izan dira eta baliogabeak 9. Apirileko deialdiari 723 okondoarrek erantzun zioten, gaur baino 43 lagun gehiagok. Parte hartzea %74,64koa izan da, %5eko jaitsiera jazo delarik. 

ARAKALDO

Arakaldon, aldiz, lehia estua egon da: EAJk 28 boto bildu ditu, eta EH Bilduk 27. Ondorengoak izan dira, hurrenez hurren, beste alderdiek pilatutako emaitzak: Elkarrekin Podemosek 14, PSE-EEk 7, Ciudadanosek 1 eta Voxek 2. Horrez gain, boto baliogabe bakarra egon da, eta zuririk ez. Parte hartzea %68,97koa izan da, apirilean baino %1,83 gutxiago. 

AIARA

Aiaran ere EAJ nagusitu da, 728 botorekin. EH Bildu izan da bigarren indarra, 358 botorekin. Horrez gain,  Elkarrekin Podemosek 244 boza jaso ditu, PSE-EEk 171, PPk 120, Voxek 45, Ciudadanosek 7 eta beste alderdiek 9. Parte hartzea %73,65koa izan da, aurreko deialdiarekiko %4 murriztu da, beraz. 

ARTZINIEGA

Artziniegan EAJk irabazi du. Orotara 312 boto eskuratu dituzte jeltzaleek, EH Bilduk 239, Elkarrekin Podemosek 147, PSE-EEk 108, PPk 84, Voxek 33, Ciudadanosek 8 eta gainontzeko alderdiek 9. Boto baliogabeak 7 izan dira, eta zuriak 5. Parte hartzeak behera egin du aurreko hauteskundeekiko (%70,15ekoa izan da, %4,26 txikiagoa).

LAUDIO

Laudion jeltzaleek lortu dute gehiengoa, 3.189 botorekin. EH Bilduk 2.033 boto metatu ditu, PSE-EEK 1.989, Elkarrekin Podemosek 1.689, PPk 781, Voxek 216 eta Ciudadanosek 93. Beste alderdiek 90 boto jaso dituzte. Parte hartzeak, baina, nabarmen egin du behera: apirilaren 28an %73,45ak bozkatu zuen, eta gaur %69,44k. 

URDUÑA

Urduñan EAJ izan da Kongresurako hauteskundeetako garailea, 940 botorekin. EH Bilduk 583 boza pilatu ditu, PSE-EEk 267, Elkarrekin Podemosek 260, PPk 128, Voxek 56 eta Ciudadanosek 15. Beste alderdiek, ostera, 35 boto bildu dituzte. Urduñarren %70,47 joan da bozkatzera, aurrekoan baino %5 gutxiago.

OROZKO

Orozkon EAJ gailendu da 760 botorekin. EH Bildu izan da bigarren indarra, 369 lagunen babesarekin. Elkarrekin Podemosek 179 boto lortu ditu, PSE-EEk 100, PPk 51, Voxek 21 eta Ciudadanosek 3. Gainontzeko alderdiek, berriz, 16 boto batu dituzte. Parte hartze datuei dagokienez, %3 egin du behera apirileko deialdiarekin konparatuta, %73,77 bertaratu baita bozkatzera. 

AMURRIO

Amurrion EAJk lortu du boto gehien, 1.994, hain zuzen. Bigarren indarra izan da EH Bildu, 1.400 botorekin. PSE-EEk 929 boto jaso ditu, Elkarrekin Podemosek 866, PPk 338, Voxek 153 eta Ciudadanosek 27. Gainontzeko alderdiek, berriz, 53 boto jaso dituzte. Parte hartzea %72,85ekoa izan da, aurrekoan baino %5 txikiagoa. 

ARRANKUDIAGA-ZOLLO

Arrankudiaga-Zollon ere ozta-ozta zehaztu dute garailea. Izan ere, EAJk 248 boto jaso ditu, EH Bilduk baino 2 gehiago (246). Hirugarren indar babestuena Elkarrekin Podemos izan da, 37 botorekin. PSE-EEk 30 boza lortu ditu, PPk 12, eta Voxek 2. Gainontzeko alderdiek 3 boto baino ez dituzte eskuratu. Parte hartzea %75,58koa izan da, apirilean baino %6 gutxiago.