Independenteek eskatu diete Tubacexeko langileei enpresak ordaindutako greba egunaren dirua Asviamie elkarteari ematea

Aitor Aspuru Saez 2019ko azaroaren 12a

Segurtasuna exijitzeko greba ere egin zuten duela gutxi Tubacex enpresan. / Aiaraldea.eus

Ibai Etxebarri langilearen heriotza salatzeko 24 orduko greba egin zuten Tubacex enpresan uztailean eta ez zieten soldatarik kendu. Sindikatu Independenteak proposatu die beharginei Asviamie elkartera bideratzea diru hori.

Independenteen atal sindikalak salatu du Tubacex enpresako zuzendaritzak ez zuela grebatzat jo uztailaren 5ean egindako 24 orduko lanuztea. Izan ere, hilabeteko soldata osorik ordaindu zieten.

Tubacex taldeko Aiaraldeko lantegietan ekoizpena gelditu zuten egun horretan Ibai Etxebarri laudioarraren heriotza salatzeko. Istripu baten ondorioz zendu zen laudioarra eta segurtasuna eskatzeko mobilizatu ziren bere lankideak.

Sindikatuak ohar bidez leporatu dio enpresako zuzendaritzari bere kontzientzia zuritzen saiatzea eta langileen duintasuna erosten saiatzea. Horregatik proposatu die langileei greba eguneko dirua Asviamie elkarteari bideratzea.

Asviamiek elkarteak lan osasunaren esparrua lantzen du, bereziki, amiantoaren eragin kaltegarria. Elkarteak eskertu egin du ekimena, eta baita bere jardueraren balioa aitortzea ere.

Gauzak horrela, interesunek 100 euroko ekarpena egin dezakete 3035-0083-220830107021 kontu korronte zenbakian, "Trabajadores Tubacex" kontzeptua zehaztuta.

Ekonomia

Erlazionatuak

[ERREPORTAJEA] Tubacexeko segurtasunak aurrez aurre jarri ditu langileak eta zuzendaritza

Aitor Aspuru Saez 2019 aza 08 Aiaraldea

Enpresa Komitea: "Tubacexeko zuzendaritza da langilearen heriotzaren arduraduna"

Erredakzioa 2019 uzt 04 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide