Egitarau oparoak prest indarkeria matxistaren aurka

Txabi Alvarado Bañares 2019ko azaroaren 22a
Deskargatu Info Ahotsak :

Azaroaren 25ean elkarretaratzeak egingo dituzte herri gehienetan. / Aiaraldea.eus

Azaroaren 25ean mobilizazioak egingo dira eskualdeko udalerri gehienetan. Hemen kontsultatu daitezke ekintza guztiak.

Egun gutxi falta dira azaroaren 25a, Indarkeria Matxistaren Aurkako Nazioarteko Eguna, iritsi dadin. Eskualdeko udal eta elkarte gehienek plazaratu egin dituzte dagoeneko egun horren testuinguruan gauzatuko dituzten ekintzak. 

Hainbat motatako jarduerak egongo dira: liburu aurkezpenak, antzerkiak, zine-forumak, hitzaldiak, bakarrizketak... Horrez gain, autodefentsa feminista ikastaroak egingo dira herri ugaritan.

Elkarretaratzeak
Azaroaren 25ean mobilizazioak egingo dira eskualdeko udalerri gehienetan. Arespalditzan 17:00etan jarri dute zita, Ferialean. Okondon 18:00etan egingo dute elkarretaratzea.

Artziniegan, Urduñan eta Amurrion ordubete beranduago bilduko dira. Laudion ere ordu horretan egingo dute elkarretaratzea Herriko plazan, eta Urumea kalera mugituko dira gero, Amagoia Elezkano eta indarkeria matxistaren biktima izan diren emakume guztiak omentzeko. Orozkon, aldiz, 20:30ean mobilizatuko dira.

Egitarau guztiak hemen topatu daitezke.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide