Bizkaia eta Gipuzkoako ikastetxeak ere ixteko agindua eman du gaur Eusko Jaurlaritzak, COVID-19 gaixotasunaren hedapena (Koronabirusa bezala ezagutzen dena) prebenitzeko. Gauzak hala, bihartik aurrera Aiaraldeko hezkuntza zentro guztiak egongo dira itxita, 15 egunez behintzat.
Eusko Jaurlaritzatik adierazi dute haurrak berez ez daudela arriskuan, baina gaixotasun hori errazago transmititzen dutenez, etxera eramateko arriskua dutela.
Horri eskualdeko udal gehienek hartutako neurriak gehitu behar zaizkio. Amurrio, Laudio eta Artziniegan kultur eta kirol azpiegitura guztiak (Kultur etxeak, gaztelekuak eta abar) itxiko dituztela jakinarazi dute, eta Aiara, Urduña eta Orozkon ere bertan behera utzi dituzte programatuak zeuden ekintzak. Gauzak hala, familien esku geratuko da haurren zaintza osoa.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
