aiaraldea.eus

Aiaraldea Kooperatiba Elkarteak etxetik egingo du lan, koronabirusa zabaltzea ekiditeko

Erabiltzailearen aurpegia Erredakzioa   Jendartea  Aiaraldea

Aiaraldea Kooperatiba Elkartearen egoitza itxita egongo da bihartik aurrera.

Aiaraldea Kooperatiba Elkarteak etxetik egingo du lan, koronabirusa zabaltzea ekiditeko
Gaur goizean egin dute bilera kooperatibako langileek. / Aiaraldea.eus | Ikusi handiago | Argazki originala

Ezohiko eta premiazko bilera egin dute gaur Aiaraldea Kooperatiba Elkarteko kideek eta hainbat neurri adostu dituzte koronabirusaren krisiari aurre egiteko. Kooperatibaren Laudioko egoitza itxita egongo da hemendik aurrera, eta langileek telelana baliatuta jardungo dute, unean uneko salbuespen puntual batzuk kenduta.

Modu horretan, koronabirusaren hedapena prebenitzeaz gain, zaintza lanak egin ahal izatea bermatu nahi du kooperatibak, mota horretako lanak egin behar dituzten langileei ordutegi malgutasuna emanez.

Hedabidean, jarraipen berezia
Komunikabideak, bere aldetik, jarraipen berezia egingo du webgune eta sare sozialen bidez koronabirusaren eraginaz informatzeko. Bestalde, ohiko jarduna mantenduko da, kazetariek ahal den heinean euren etxeetatik lan egiteko konpromisoa hartuta.

Hala ere, gaixotasunarekiko prebentzio neurri gisa, ez da papereko hamabostekaria banatuko, egoera bere onera itzuli artean kontaktu fisikoa ekiditeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa