Koronabirusaren aurkako neurriak indartu dira eskualdean

Umeen parkeak itxi dituzte, besteak beste. / Aiaraldea.eus

Laudioko Udalak Larrialdi Plana aktibatu du. Horrez gain, Urduñan, Foru Plazako merkatuko segurtasuna bermatzeko neurriak hartu dira.

Larrialdi Plana aktibatu du Laudioko Udalak gaur goizean, Eusko Jaurlaritzak hala eskatuta.Hortaz, lokaletako gazteei “arreta berezia” izatea gomendatu diete. Aste honetan hartutako neurrien osagarria da honakoa, udal instalazio guztiak itxi izan baitira.

Era berean, atzo udalak bertan behera utzi zituen aurrez aurreko arreta zerbitzuak, eta ezinbestekoa izango da aldez aurretik hitzordua eskatzea, 010 edo 944 034 800 telefono zenbakietara deituta.

Udalak adierazi duenez, telefono horien bidez “gestio guztiak” argituko dira. Hala ere, “premiazko gaia edo tipologia konplexuagoa” izatekotan, udaletxera sartzeko aurretiko hitzordua emango da. Ildo beretik, Dolumin Barikuko ekitaldi guztiak ere baztertu zituzten atzo.

Ander Añibarro alkateak, bere partetik, “lasaitasunerako deia” luzatu die Laudioko biztanleei, eta “komunitatearen osasuna denoi mesede egiten diguten keinu txiki askoren baturaren mende” dagoela gehitu du.

Urduñan ere neurri gehiago
Urduñan, bestalde, Foru Plazako merkatuan koronabirusa ez zabaltzeko neurriak hartu dira: jende gehiegi ez pilatzeko helburuarekin, elikagai ekoizleak baino ez dira arituko merkatuan. Metro bateko distantzia bermatzeko, zinta gorri bat jarri dute erosleek zoruan; eta, bezero batekin bukatu eta gero, eskuak garbituko dituzte.

Neurriekin jarraiki, pertsonen kontzentrazio handiak saihesteko umeentzako parketak ixteko erabakia hartu da, eta ekintza eta zentro publikoak bertan behera jarraituko dira. Herritarrentzako arreta presentziala Udalak ez du bermatuko; salbuespen hitzordua eskatu ahalko da 945 383 003 telefonoan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide