Larrialdietarako bitartekoak mugatuak direla gogoratu du Zigor Egia amurrioarrak, Bizkaiko Mendi Federazioko segurtasun batzordeko kideak. Horrez gain, txirrindularitza federazioek jakinarazi dute alarma egoeran aseguruko enpresek ez dutela euren gain ardurarik hartzen.
Mendi eta bizikleta federazioek kirol jarduerak eteteko mezua zabaldu dute. Zigor Egia amurrioarrak Bizkaiko Mendi Federazioan parte hartzen du, segurtasun batzordean, eta zuhutziaz jokatzeko beharra azpimarratu du: "osasun larrialdi egoeran gaude eta baliabideak mugatuak dira. Hortaz, zentzuz jokatu behar da. Pentsa dezagun Ertzaintzak eta Osakidetzak helikoptero bana dutela. Norbaitek istripua izanez gero, baliabide horiek ezingo dira bideratu beste larrialdietara".
Egiak nabarmendu du egun hauek ez direla oporrak eta, ondorioz, eskalada, mendi irteerak edo txangoak ekiditeko beharra dagoela, koronabirusa ez zabaltzeko eta osasun zerbitzuen lan karga arintzeko: "osasun langileak txandak bikoizten ari dira eta gainezka daude, ahalik eta lan gutxien eman behar diegu".
Amurriorrak aipatu du gaur Pirinioetan dozena erdi istripu egon direla eta eskiatzeko irteerak ere bertan behera uztea komenigarria dela.
Bestalde, txirrindularitza federazioek antzeko deia egin dute, gogoratuta aseguruek ez dutela ardurarik alarma egoeretan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
