Erailketa matxista salatzeko lapiko protesta deitu du Aiaraldeko Mugimendu Feministak

Izar Mendiguren Cosgaya 2020ko martxoaren 17a

21:00etan etxeko leihoetatik zarata egitera deitu du Aiaraldeko Mugimendu Feministak ere.

Soraluzen atzo jazotako erailketa matxista salatzeko "kazerolada" egingo dute Euskal Herrian gaur 21:00etan. Aiaraldeko Mugimendu Feministak ekimenarekin bat egin du. 2020an Euskal Herrian eraildako hirugarren emakumea da atzokoa.

"Atzo erailketa matxista kasu berri bat ezagutu genuen, aurten astebete baino gutxiagoan eraildako hirugarren emakumea", adierazi dute oharrean. Larrialdi egoera dela eta, ezingo dira mobilizazioak egin. Alabaina, horrek ez du protesta eragotziko: "Ezin gara kalera atera, baina gure balkoi eta leihoetatik gure haserrea erakutsiko dugu! Toli, gogoan zaitugu!".

Ildo beretik, ohartarazi dute, etxean egoteko aginduaren aurrean, eraso matxistak areagotu egin daitezkeela. Zentzu horretan, salatzeko deia luzatu eta indartu dute. Euskal Herriko emakumeen mundu martxak sustatu du salatzeko ekimena, Euskal Herrian hiru hilabeteren buruan -hots, 2020an- eraildako hirugarren pertsona izan baita Soraluzekoa.

Ildo beretik, Euskal Herriko Mugimendu Feministak atzo prentsaurrekoa eskaini zuen, zaintzaren krisia salatzeko eta gobernuei mahai teknikoa sortzeko eskatzeko:

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide