Berrogeialdiak iraun bitartean ez da Aiaraldea Hemen hamabostekaria banatuko, osasun arriskuak saihesteko

Zenbait ekitaldiren bideoak plazaratuko ditu Aiaraldeak. / Jare Photography

Komunikabideko banatzaile boluntario eta Correoseko langileen osasuna bermatzeko Aiaraldeak ez du egunkaririk banatuko larrialdi egoerak dirauen bitartean.

Egunkariaren ekoizpena esku askotatik pasatzen da: inprentako langileak, postetxekoak, komunikabideko banatzaile boluntarioak, eskolak, saltokiak... Hargatik, Aiaraldea Komunikabideak ez du papereko ediziorik banatuko berrogeialdiak iraun bitartean. 

Aiaraldea Kooperatiba Elkarteko langileek etxetik lan egitea adostu zuten duela astebete, bizitza eta zaintza erdigunean jartze aldera: "Larrialdi egoera bukatu arte, zuri ere arduraz jokatzeko eskatzen dizugu.   #EtxeanGeratu #ZainduMaiteDuzunHori". 

Jarduera eta dinamika berriak
Azken egunetan aurkeztu bezala, informaziotik haragoko eskaintzak urrats berria eman du hedabideak. Batetik, egunero umeei zuzendutako ikus-entzunezko aisialdi proposamen bat argitaratuko dugu, Kokoriko Hezkuntza Faktoriako kideekin batera. "Bestetik, #ETXEANGOXO dinamikaren barruan, eskualdeko kultur sortzaileekin emanaldiak lotzen ari gara. Asteartero, esaterako, euskarazko zumba saioa eskainiko dugu Izaskun del Cerrorekin", adierazi du Izar Mendiguren Cosgaya zuzendariak.

Eskura jarritako baliabideak
Webguneko eta sare sozialetako ekoizpena indartzeko eta ekimen berriak abiatzeko aprobetxatuko du unea komunikabideak, lan taldeko kideek erantsi dutenez. Ondorengoak dira, gaur-gaurkoz, martxan dauden atal bereziak:

  1. Koronabirusa Aiaraldean webgunea: gaiari buruzko albisteak, iritziak, bideoak eta argazkiak barne hartzen ditu. 
  2. EtxeanGoxo dinamika: Etxeetan gauzatzeko ideiak pilatzen ari gara bertan: umeekin gozatzeko eskulan, dantza edo ipuin kontakizunak; zumba saioak, errezetak...
  3. Porra: Zenbat iraungo du konfinamendu egoerak zure ustez? Animatu eta egin zure apustua!
  4. Irakurleen proposamenak: Bidali zure mezu edo proposamena sare sozialen bidez (Twitterren, Facebooken edo instagramen #EtxeanGoxo eta @aiaraldea aipatuta)
  5. Aiaraldea hedabidearen ikus-entzunezkoen hemeroteka: Aiaraldeak ekoitzitako ikus-entzunezko berezien ataria (Bideoerreportajeak, dokumentalak eta bestelakoak)

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide