Hainbat eskaera jarri dituzte Tubacexeko langileek mahai gainean, “egoera desblokeatzeko”

Asteartetik darama ekoizpena geldirik Tubacexen, langileen ekimenez. / Aiaraldea.eus

Bihar bilduko dira beharginen ordezkariak zuzendaritzarekin. Lan ikuskaritzaren ondorioen zain ere daude.

Komunikatua atera dute Tubacexeko Enpresa Batzordeko kideek, emandako azken pausoen berri emateko. Jakinarazi dutenez, bi bilera izan dituzte zuzendaritzarekin, eta hainbat eskaera jarri dituzte mahai gainean, Eusko Jaurlaritzak protokolo berria argitaratu duela kontuan hartuta.

Alde batetik, protokolo berria ezarri arte enpresak izango duen geldialdiaren kostua enpresaren gain geratzea eskatu dute. Asteartetik darama ekoizpenak geldirik langileen ekimenez, koronabirusaren aurka zehaztutako segurtasun neurriak betetzen ez direlako.

Langileen eskaerak

Sei orduro erreleboa egitea eskatu dute, lanaldiaren beste bi orduetan aldagelen eta lantokien desinfekzioa bermatu ahal izateko. Garbiketa eta desinfekzio ekipo egokien beharra ere nabarmendu dute, eta langile bakoitzari desinfekzio indibiduala bermatu behar zaiola gaineratu dute, fabrikara sartu zein irteterakoan.

Beste hainbat eskakizun ere gauzatu dituzte: aldagela eta takilak moldatzea (sarbidea mugatzeko), telelana egiteko aukera ematea, azpikontratatutako enpresen protokoloa moldatzea, garbiketarako kit pertsonalak ematea, mantenu eta laborategiko lanak protokoloaren arabera birdefinitzea eta berrogeialdien zein kasu positiboen gaineko informazioa ematea.

Bihar bilduko dira beharginen ordezkariak zuzendaritzarekin, aipatutako puntuak jorratzeko. Horrez gain, kontuan hartzekoa da lan ikuskaritzaren ondorioen zain daudela, enpresa komiteak salaketa jarri baitzuen bertan.

Erlazionatuak

Tubacex enpresako sindikatuek adierazi dute lantegiek geldirik jarraituko dutela egoera ez bada aldatzen

Erabiltzailearen aurpegia

Oharra zabaldu dute langile batzordean aritzen diren sindikatuek beharginen artean, jakinarazteko ekoizpena bertan behera geratuko dela zuzendaritz...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide