Kirikiñori ere eragin dio Koronabirusa dela eta ezarritako alarma egoerak, baina aisialdi taldeko kideek ez dute euren jarduna eten. Ohikoan egiten dituzten jardueretako jarraibide eta baliabideak partekatzeari ekin diote Kirikinotaldea.eus atarian. Elkarteko kideak azaldu dutenez, lehenagotik ere bazuten buruan horrelako materialak partekatzea, baina orain sortu den egoera aprobetxatu dute, horrelako edukiei une honetan “zuku nahikoa” atera ahal zaielakoan.
Eskulanak, errezetak, tailerrak, jolasak, musika eta proposamenak igoko dituzte sarera, hiru eguneko maiztasunarekin. “Berriki, kamiseta baten zozketa plazaratu dugu, etxean egiteko gauza ezberdinak 688726665 zenbakira argazki bidez bidaltzen dituztenen artean, konfinamenduaren amaieran”.
Zuen errezetak, eskulanak, denbora pasak, ipuinak gurekin partekatzen badituzue, Kirikino taldearen kamiseta bat zozketatuko dugu parte hartzaile guztien artean (berrogehialdia bukatzean)
— Kirikino Atseden Taldea (@KirikinoTaldea) March 19, 2020
???? 688726665 zenbakira bidali behar dituzue argazkiak pic.twitter.com/9axkXYROnU