Aiaraldeko preso politikoek hainbat aste bete dituzte bisitarik gabe

Aiaraldean babesa jasotzen duten euskal preso politikoak eta euren kartzeletako helbideak.

Presoek, propio edo ingurukoek erabakita, bisitak jasotzeari utzi zioten alarma egoera hasi baino lehen, Covid-19aren zabalpena oztopatzeko.

Alarma egoera hasi baino nabarmen lehenago eten zituzten bisitak Aiaraldean babesa jasotzen duten euskal preso politikoek.

Esaterako, Alaitz Aramendi orozkoarra iragan larunbatean ikustera joan behar zirenek ez joatea erabaki zuten. Estatu Frantsezean une horretan salbuespen baldintzak ezarri gabe bazeuden ere, bere lagunek baloratu zuten arriskutsua izan zitekeela espetxeko norbait kutsatzea.

Idoia Martinezek, ordea, martxoaren 7an uko egin zion bisitak izateari, Covid19 kartzelan zabaltzeko arriskua ekiditeko. Martinezek bere ingurukoei azaldu die presondegian larrituta daudela, jendea espetxeratzen jarraitzen baitute eta sartzen direnak ez dituztelako isolamenduan jartzen.

Edonola ere, larrialdi egoerarekin bisitak bertan behera geratu dira Estatu Espainiarrean -Idoia Martinez eta Iñaki Krutxagaren kasuan- zein Frantziarrean -Alaitz Aramendiren kasuan-.

Gauzak horrela, espetxealdi baldintza berriak dituzte. Alaitz Aramendik jakinarazi die senideei ziegan egiten dituztela otorduak eta patiora talde txikietan ateratzen direla ordubetez goizean eta ordu eta erdiz arratsaldean. Ziegak oraindik irekita daude eta noizean behin 4 edo 5 presoetako taldeak batzen dira.

Komunikazioa
Arazo handia da Orozkoko presoarentzat komunikazioa. Izan ere, sekulako ilarak sortzen dira telefonoz deitzeko eta bi egunean behin egiten du.

Idoia Martinezek antzeko arazoa dauka telefono deiekin. 4 gehiago dituzte astean, baina lineak gainezka daude eta komunikazioa ezinezkoa bilakatzen da maiz. Momentuz, antza, espetxe espainiarretan ez dago murrizketarik patioaren erabilerari dagokionez eta hainbat moduluetako presoek bat egiten dute bertan.

Elkartasuna
Isolamendu egoera areagotu denez kartzelatuta daudenen artean, elkartasun ekimena abiatu dute jendeak presoei idatzi diezaien:

 

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide