Koronabirusak kutsatutako 34 lagun zenbatu zituen Osakidetzak atzo Aiaraldean

Erizainek eta osasun langileek baliabide egokien falta salatu dute. / Argia.eus

Guztira, 8 kasu gehiago sailkatu zituen atzo Osasun Sistema publikoak; bina Laudion, Amurrion eta Urduñan eta bana Aiaran eta Artziniegan.

Gaur argitaratu du Osakidetzak atzoko datuen txostena Covid-19aren zabalpenari buruz. Egun batetik bestera, kasuak %28,5ean areagotu ziren. 26 izatetik, 34ra pasatuta.

Zehazki, Laudion 14 dira, Amurrion 8, Urduñan 6, Aiaran 3, Artziniegan 2 eta Orozkon 1.

Laudiok 2 positibo gehiago ditu, Amurrio eta Urduñako udalerriak bezala. Artziniegan eta Aiaran ere kasu bana gehitu zaizkie eta Orozkok positibo bakarra izaten jarraitzen du.

Laudio eskualdeko herri kutsatuena da, baina EAEn 12. postuan egon eta gero, orain 19. postuan dago. Berez, Amurriok bi egunetan %266,6ko igoera izan du positiboetan eta Urduñak ere %200ekoa.

Hala eta guztiz ere, eskualdeko atzoko datuak, guztira, EAEko batezbestekoen azpitik daude. Erkidego osoan %37an igo ziren kasuak eta Aiaraldean %28,5ean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide