aiaraldea.eus

Koronabirusak kutsatutako 34 lagun zenbatu zituen Osakidetzak atzo Aiaraldean

Erabiltzailearen aurpegia Aitor Aspuru Saez   Osasuna  Aiaraldea

Guztira, 8 kasu gehiago sailkatu zituen atzo Osasun Sistema publikoak; bina Laudion, Amurrion eta Urduñan eta bana Aiaran eta Artziniegan.

Koronabirusak kutsatutako 34 lagun zenbatu zituen Osakidetzak atzo Aiaraldean
Erizainek eta osasun langileek baliabide egokien falta salatu dute. / Argia.eus | Ikusi handiago | Argazki originala

Gaur argitaratu du Osakidetzak atzoko datuen txostena Covid-19aren zabalpenari buruz. Egun batetik bestera, kasuak %28,5ean areagotu ziren. 26 izatetik, 34ra pasatuta.

Zehazki, Laudion 14 dira, Amurrion 8, Urduñan 6, Aiaran 3, Artziniegan 2 eta Orozkon 1.

Laudiok 2 positibo gehiago ditu, Amurrio eta Urduñako udalerriak bezala. Artziniegan eta Aiaran ere kasu bana gehitu zaizkie eta Orozkok positibo bakarra izaten jarraitzen du.

Laudio eskualdeko herri kutsatuena da, baina EAEn 12. postuan egon eta gero, orain 19. postuan dago. Berez, Amurriok bi egunetan %266,6ko igoera izan du positiboetan eta Urduñak ere %200ekoa.

Hala eta guztiz ere, eskualdeko atzoko datuak, guztira, EAEko batezbestekoen azpitik daude. Erkidego osoan %37an igo ziren kasuak eta Aiaraldean %28,5ean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa