aiaraldea.eus

45 koronabirus kasu positibo zenbatu ditu Osakidetzak Aiaraldean

Erabiltzailearen aurpegia Aitor Aspuru Saez   Osasuna  Aiaraldea

Atzoko datuetan, orain arte baino 2 kasu gehiago identifikatu zituzten Laudion, eta bana gehitu zituzten Amurrion, Aiaran eta Artziniegan. Hala ere, egunez egun kutsatuen hazkundearen batezbestekoa murrizten ari da.

45 koronabirus kasu positibo zenbatu ditu Osakidetzak Aiaraldean
Larrialdi zerbitzuak lanean, artxibo irudi batean. | Ikusi handiago | Argazki originala

Eguerdian plazaratu ditu Osakidetzak atzo 20:00etan jasotako datuen txostena. Horren arabera, jadanik 45 Covid-19 kasu daude Aiaraldean. Orain arte baino 2 eri gehiago daude Laudion eta bana Amurrion, Aiaran eta Artziniegan.

Udalerrika horrela geratzen da kutsatu kopurua; Laudiok 17, Amurriok 9, Urduñak 7, Aiarak 6, Artziniegak 3 eta Orozkok 3.

Joeraren azterketa
Egun batetik bestera %12,5 igo da kopurua. Hala ere, batezbestekoa murrizten ari da. Igandean hazkundea %17,64koa izan zen, eta aurreko egunetan %30,7koa eta %44,4koa.

Guztira, Euskal Autonomia Erkidegoan 2.728 kutsatu daude, eta 133 lagun hil dira. Igandetik Bizkaia da lurralderik kutsatuena 1.189 gaixorekin eta Arabak 1.086 kasu bildu ditu.

 

Erantzunak

Erabiltzailearen aurpegia Maider Urtaran Laresgoiti Erantzuna | #1

Ez fidatu hazkundearen murrizketa horretaz, oraindik asko falta zaigu ta hau garaitzeko.

Etxean geratzeko garaia da! elkarzaintza eta elkartasunez auzoak eta herriak betetzekoa!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa