6 koronabirus kasu positibo berri egon ziren atzo Aiaraldean, Osakidetzak gaur goizean emandako datuen arabera. Horrek, kopuru osoarekiko alderatuta % 3,4ko igoera suposatu du. Horrenbestez, herenegungo joerara itzuli da eskualdea, 5 pertsona gaixotu baitziren ostiralean.
Positibo gehien izan zituen herria Amurrio izan zen, hiru herritarrekin. 52 amurrioar dira momentuz aitortutako eriak. Bilakaerari erreparatuta, gaixo kopurua % 6,1 igo dira azken egunean.
Laudion bi izan dira detektatutako kasuak, atzo baino bat gutxiago; eta koronabirusak jota 75 pertsona daude momentuz. Orain arteko datuekiko, % 2,7ko igoera izan du bilakaerak.
Eguneko azken positiboa Aiaran eman zen, 12tik 13 erira pasata. Kontuan hartu behar da atzo ez zela kasu berririk detektatu herrian.
Kasu aktiboak dituzten eskualdeko beste lau herrietan, Urduñan, Orozkon, Artziniegan eta Okondon, ez da egoera aldatu: 19, 10, 8 eta 5 kasu positibo mantendu dira, hurrenez hurren.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.JPG)