Herrietako azokak debekatu zituen Eusko Jaurlaritzak atzo. Alarma-egoera amaitu arte egongo da indarrean neurria, eta ordutik aurrera ere segurtasun neurri zorrotzak bete beharko dituzte ekoizleen postuek, Osasun Sailak esan arte.
Neurriak haserrea sortu du eskualdeko baserritarrengan. Laudio, Amurrio eta Urduñako azokak konfinamendua ezarri zenean geratu ziren bertan behera, baina ekoizle batzuk asmoa zeukaten larunbat honetan Laudioko Herriko plazan postua jartzeko. “Astelehenean hitz egin genuen udalarekin eta bere oniritzia genuen”, azaldu du Josemi Atxak, “baina bat-batean neurri hau atera dute, eta bertan behera utzi behar izan dugu azoka, jendeak jada eskaerak egin dituen arren”. Gauzak hala, lokal itxi bat baliatuko dute eskaera horiek entregatzeko. “Kontuan hartu behar da oso ekonomia txikia dela gurea”, nabarmendu du Kasille baserriko kideak.
“Beste pauso bat”
Mikel Kormenzana urduñarra ere oso kritiko azaldu da Eusko Jaurlaritzaren neurriarekin. “Geratzen ziren azoka bakanek segurtasun eta prebentzio neurriak hartuak zituzten dagoeneko”, ziurtatu du baserritarrak, eta salatu du gobernuak tokiko ekoizleei ematen dien alternatiba “Eroski edota Carrefour” bezalako saltoki handien bidez saltzea dela, “hau da, justu prezio eta baldintza duinak bermatzen ez dituzten horiekin. Dena osasunaren izenean egiten dute, merkataritza gune handietan gutxiengo osasun neurriak bermatzen ez diren bitartean”.
Kormenzanaren ustez, Eusko Jaurlaritzaren erabakiak azken hamarkadetan bultzatu diren elikadura eta nekazaritza politikei erantzuten die: “Euskal nekazaritza eta abeltzaintza sektoreen desagerpenaren erantzuleak dira, eta erabaki hau beste pauso bat baino ez da izan norabide horretan”.
Etxez etxeko salmenta
Hala ere, aiaraldearrek aukera izango dute tokiko ekoizleen produktuak eskuratzeko, etxez etxeko salmenta jarri baitute martxan baserritarrek, hainbat ekimenen bidez. Urduñan iragan larunbatean egin zuten lehen banaketa, eta astero egiteko asmoa dute:
Laudio eta Amurrioko azoketan zeuden tokiko ekoizleek, aldiz, Aiaraldea Zainduz zaintza sarearekin elkarlanean plazaratu dute ekimena:
????????????Tokiko ekoizleen azokak debekatu ditu Eusko Jaurlaritzak. Erabaki horrek eragin negatibo nabarmena izango du baserritarrengan. Hala ere, eskualdeko baserritarrei produktuak erosteko aukera dago, etxe texeko salmentaren bidez. Animatu asteko erosketak eurekin egitera! pic.twitter.com/JUrSAcFbhB
— Aiaraldea Zainduz (@AZainduz) April 9, 2020
Aiaraldea Ekintzen Faktoriak ere abiatu du etxez etxeko banaketa zerbitzua, bazkideen artean.