Aiaraldea Hemen agerkaria ekoizten jarraituko du Aiaraldea Hedabideak. Alarma egoera piztu baino lehen erabaki zuten komunikabideko kideek hamabostekariaren ale fisikoak inprimatu eta banatzeari uztea, herritarren segurtasuna bermatu eta banaketan egon ahalko liratekeen kutsadurak saihesteko.
Gauzak hala, egoera onera itzuli arte Interneten zabaltzeko ekoitziko du hedabideak agerkaria, eta hainbat berrikuntza txertatuko ditu. Alde batetik, hamabostekaria zena astekari izatera igaroko da apirilaren amaierara arte, konfinamendua arintzeko helburuarekin.
Bestetik, aldizkaria online soilik irakurri ahalko denez, hedabideak aukera hori baliatuko du hainbat formatu berrirekin esperimentatu eta aldizkari multimedia eta interaktiboen munduan murgiltzeko. Modu horretan, irakurleak ez du PDF huts bat izango eskura, hainbat bideo eta estekekin hornitutako agerkari bat baizik.
Hemen irakurri daiteke formatu berri horretan ekoitzitako lehen zenbakia:
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
