#Aiaraldeak10urte

Zuri esker, Aiaraldea komunikabideak 10 urte bete ditu

2010eko apirilaren 10ean aurkeztu genuen Aiaraldea Komunikazio Leihoa Amurrion. Hedabidearen 10.urtemuga ospatzeko, ataria berritu dugu!

Amurrioko Juan Urrutia plazan, ekitaldi jendetsuan plazaratu genuen "Aiaraldea.com" hedabidea, euskararen erabilera sustatzeko komunikazio leihoa, duela hamar urte. Hamarnaka boluntarioren artean sortutako webgune hura (ikus-entzunezkoak, argazkiak, irratia eta artikuluak barne hartzen zituena) nabarmen eraldatu da azken hamarkadan. 

Gaur egun, 50 boluntario eta 400 bazkideren bultzadari esker iristen da lau haizetara Aiaraldea Komunikabidea, Aiaraldea Kooperatiba Elkarteko beste zenbait proiekturekin batera (Kokoriko Hezkuntza Faktoria edota elikadura burujabetza eta tokikotasuna ardatz dituen ekonomatua, besteak beste). 

"Aiaraldea Komunikabidea, larrialdi egoeran egonagatik, herritarrak euskaraz informatzen jarraitzeko asmoan berresten da". Horren adibide dira berrogeialdian zehar abiatutako ekimenak: Etxean goxo saila, Aiaraldea Hemen argitalpena digitalki zabaltzea eta asteroko maiztasunarekin... "Zuek egiten duzue proiektu hau berezi. 10 urtez euskaraz informatzeko eta komunikatzeko ohitura bizi-bizirik mantendu dugu, eta aurrerantzean beste horrenbeste pauso gehiago egitea elkarrekin espero dugu! Zorionak Aiaraldea!", adierazi du Izar Mendiguren Cosgaya hedabideko kideak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide