Atzo ere 2 positibo berri diagnostikatu zituen Osakidetzak, Urduñan eta Aiaran

Aitor Aspuru Saez 2020ko api. 23a, 13:53
Deskargatu Info Ahotsak :

Osakidetzak egunero egiten du publiko txostena aurreko eguneko datuekin. / Aiaraldea.eus

Asteartean zein asteazkenean bi kasu berri erregistratu zituen osasun sistema publikoak Aiaraldean eta jadanik 244 dira kutsatuak.

Asterik aste koronabirusaren apaltzen ari da gaixo berrien kopurua. Astelehen honetan Osakidetzak ez zuen kasu berririk topatu Aiaraldean eta atzo eta herenegun, aldiz, bi detektatu zituen egunero.

Atzoko positiboak Urduñan eta AIaran aurkitu zituzten. Hortaz, Urduñan 26 dira kutsatuak eta Aiaran 24.

Berez, udalerri hori da pandemiak gehien kaltetu duen tokia, populazioa eta gaixoak aintzat hartuta. Izan ere, herritarren %0,82ak eman du positiboa Covid-19ko probetan. Bere atzean daude Amurrio %0,66arekin, Orozko %0,65arekin, Urduña %0,60arekin, Laudio %0,50arekin, Okondo %0,49rekin eta Artziniega, azkenik, %0,46arekin. 

Hori bai, kasu kopuruari erreparatuta, sailkapena ezberdina da. Laudion 93 positibo diagnostikatu dira -EAEKo 26. udalerririk kutsatuena-, Amurrion 69, Urduñan 26, Aiaran 24, Orozkon 17, Artziniegan 9 eta Okondon 6.

EAEri dagokionez, atzo 347 positibo baieztatu zituzten, baina aurreko egunetan baina test gehiago gauzatu ziren; 4.789, hain zuzen.

Pandemiak 13.436 lagun kutsatu ditu eta 1.167 herritar hil, atzo baino 43 gehiago. Bizkaia da lurralderik kaltetuena eta 7.633 gaixo ditu, Arabak 3.368 eta Gizpuzkoak 2.435.

 

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide