Aiaraldea hedabidearen marrazki lehiaketetan parte hartzeko deia luzatu du Pirritxek

Erredakzioa 2020ko apirilaren 24a

Aiaraldea hedabideak konfinamendu garaia arinago egiteko antolatutako marrazki lehiaketetan parte hartzeko gonbita luzatu du Pirritxek.

Bi marrazki lehiaketa abiatu ditu Aiaraldea hedabideak, umeena eta gazte zein helduena. Umeen marrazki lehiaketara lanak bidaltzeko epea apirilaren 30ean bukatuko da. Sari eta zozketa ugari egongo dira gainera, Zizki Mizki jolas parkerako sarrerak banatuko baitira partaideen artean. Ekimenaren babesle izan da Katxiporreta ere, eta mezu bidez animatu dituzte Aiaraldeko haurrak parte hartzera.

Helduen marrazki lehiaketa

12 urtetik gorakoentzat ere zabaldu du dinamika hedabideak. Hala, diziplina anitzetako lanak bidali ahalko dira maiatzak 10 bitarte: marrazkiak, collageak...

Irabazleak erabiltzaileek aukeratuko dituzte, boto sistema bidez. Horretarako, astebeteko epea emango da webgunean, gustuen dituzuen lanak aukeratzeko.

Komunikazioa

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide