Atzo hasteko datu txarrena jaso zuen Aiaraldeak Covid-19ko positibo berriei dagokienez. 3 agertu ziren Laudion eta beste 1 Amurrion. Hala ere, pandemiaren une kritikoetatik oso urrun dago egungo egoera. Esaterako, unerik okerrenean -apirilaren 2an- 20 kasu erregistratu ziren 24 ordutan.
Atzo, ordea, 4 eri aurkitu zituen Osakidetzak, eta horri gehitu behar zaio astelehenean ez zela gaixo berririk artatu. Astearteko eta asteazkeneko kutsatuekin 8 besterik ez dira egon aste osoan. Horrenbestez, 248 kasu agertu dira eskualdean.
Horrela, Laudiok 96 gaixo ditu, eskualdeko %38,70, Amurriok 70 (Aiaraldeko %28,25), Urduñak 26 (%10,48), Aiarak 24 (%9,67), Orozkok 17 (%6,85), Artziniegak 9 (%3,62) eta Okondok 6 (%2,41). Artziniegak, gainera, ez du positibo berririk izan apirilaren 10etik.
EAEri dagokionez, 13.780 kasu aitortu ditu Osakidetzak:7.828 Bizkaian, 3.453 Araban eta 2.499 Gipuzkoan. Hildakoak 1.193 dira, atzo baino 26 gehiago.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.JPG)