AZKEN DATUAK

Atzo ez zen Covid-19 kasu berririk egon Aiaraldean, hirugarren egunez jarraian

Kasu kopurua jaitsi ahala, normaltasunera bueltatzen ari da pixkanaka eskualdea. / Aiaraldea.eus

Kutsatu kopuruak 349 jarraitzen du izaten eskualdean. Herrika eskualdeko grafikoak osatu ditugu, 1.000 biztanleko gaixo erregistratuen portzentaiak barne.

Ez da Covid-19 koronabirus kasu berririk detektatu Aiaraldean hirugarren egunez jarraian. Beraz, 349 pertsona dira momentura arte eskualdean kutsatuak izan direnak. Apirilaren 28an 51 kasu eta hurrengo egunean beste 26 infektatu aitortu ondoren, aste honetan ez da momentuz kasurik detektatu eskualdean.

Hortaz, herriz-herriko zifrak ere bere horretan mantendu izan dira: Laudion 123, Amurrion 99, Aiaran 61, Urduñan 29, Orozkon 19, Artziniegan 12 eta Okondon 6.

EAEri dagokionez, 4.500 test baino gehiago egin ziren atzo, 180 positibo izanik. Atzoko 49ekin alderatuta, nabarmen gutxiago: test bikoitza baino gehiago egin ziren atzo herenegunekin konparatuta eta. Beste hamabi pertsona hil ziren eta 1.353 dira jada koronabirusa dela eta zendutakoak. 534 pertsona daude momentuz ospitaleratuta, atzo baino lau gehiago. ZIUn, dena den, 85 daude, atzo baino bi gutxiago.

Probintziaka, 9.351 kasu diagnostikatu dira orain arte Bizkaian, 4.288 Araban eta 2.787 Gipuzkoan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide