EKONOMATUA

Tokiko produktu ekologikoak zure etxeko atariraino

Tokiko produktuen katalogo zabala eskaintzen du Ekonomatuak. / Aiaraldea.eus

Aiaraldea Ekintzen Faktoriak proiektu berri bat jendarteratu du testuinguru honetan: www.ekonomatua.eus online denda.  Webgune honen bidez, tokikoak eta ekologikoak diren produktuak etxeko atariraino entregatzen dituzte astero.  COVID-19ak eta gobernuek hartutako hainbat erabakik euren produktuak merkaturatzeko bide gabe utzi ditu eskualdeko ekoizle txiki ugari, eta arrazoi horregatik aurreratu du Faktoriak proiektuaren irekiera.

COVID-19 birusak dena aldatu duela edo aldatuko duela entzuten ari gara azken aldian han hemen: harremantzeko moduak, lan egitekoa, zaintza ardurak banatzekoa... Krisi garai guztiak aldaketarako abagune egokia direla esan ohi da, eta Aiaraldea Ekintzen Faktoriako lagunak ere iritzi horretakoak dira. "Etxean itxita egon garen aldi gogor hau gure kontsumo ohiturak aztertu eta aldatzeko baliatu beharko genuke, abiapuntu berri bat jartzeko" adierazi du Gartzen Garaiok, Ekonomatua proiektuko sustatzaileetako batek.

Besteak beste, elikadura burujabetza eskualdean sustatzea du xede Aiaraldea Ekintzen Faktoria proiektu berrituak; eta, horretarako, Gardean kokatuko den Faktorian denda fisikoa irekitzeko asmoa dute: Ekonomatua.  

Denda, tokiko produktu ekologikoak eskualdean sustatzeko tresna izango dela azaldu du Garaiok, "baina birusak obra lanak ere gelditu ditu, eta oraindik ez dakigu Faktoriako obra udazkenerako bukatu ahalko dugun". 

Eusko Jaurlaritzak azokak debekatzeko agindua ematearen ondotik hartu zuen forma online denda irekitzeko asmoak: "Ekoizle txiki ugari bere ekoizpena merkaturatzeko bide gabe gelditu zen; arkumeak, gaztak, txakolina, txerrikiak, barazkiak...". 

Agintariek lehen sektorea eta ekoizle txikiak bazterrean utzi izana salatu du Garaiok: "Supermerkatuetara den-dena erostera bideratu nahi izan gaituzte, ordutegiak malgutu, etengabe doako publizitatea komunikabide publikoetan, haurrak etxetik ateratzeko modu bakar bezala aurkeztu... Non geratzen da tokian-toki kontsumitzearen aldeko aldarria?". 

Horiek horrela, Faktoriako bazkideei zerbitzua ematen zien webgunea (www.ekonomatua.eus) herritar guztiei irekitzea erabaki zuen Faktoriak, bai eta arazoak zituzten ekoizle txikiei ere. 

Eskaerak astero, etxeraino
Ordutik hona, hilabete eman dute Ekonomatuko arduradunek astero-astero erosketak egiteko aukera eskaintzen: "Astelehenetik igandera egin daitezke webgunean eskaerak, eta hurrengo ostiralean eskatutakoa etxez-etxe banatzen dugu" azaldu du Garaiok.  Erosketa eskaera egiten duten herritarrek kreditu txartelarekin ordaindu dezakete  eskatutakoa.
 
Bazkideek, deskontua 
Faktoriako bazkideek erosketa guztietan %10eko deskontua  dutela nabarmendu du Gartzen Garaiok, "herritar asko proiektura bazkidetu dira online denda zabaldu genuenetik, urtean 50 euroko kuota ordainduta, aurrezki handia delako etxerako erosketa osoa egiten duten familientzat". 

Tokiko ekonomia sustatzen
Online dendak erantzun ona izan duela azaldu du Garaiok; "astero bataz-beste 70 saski entregatu ditugu hilabete honetan, eta oso pozik gaude, erosketaren parterik handiena bertako ekoizleena delako, eta horrek tokiko ekonomia indartzen duelako". 

ESKAINITAKO PRODUKTUAK

Produktuen %90 dira ekologikoak

ARDO EKOLOGIKO ETA DINAMIKOAK Candido Besa, Aristu, Hazpea, Lezaun, El Mozo, Ulibarri, Gure Ahaleginak, Hontza... 

OGIAK ETA GOXOAK Atxandieta Baserria, IZA okindegia, Gastaka pastelak...

FRUITU LEHORRAK Intxaurrak, almendrak, hurrak, anakardoak, pistatxoak, kakahueteak, brasildar intxaurrak...

FRUTA ETA DERIBATUAK Marrubiak, sagarrak, ahuakateak, zukurako laranjak, mangoak, papayak, limoiak, platanoak, marmeladak, fruta-zukuak...

BARAZKIAK Aza gorria, uhazak,  azalorea, azenarioak, kuiatxoak, alberjiniak, babak, endibiak, ilarrak, brokolia, patatak, erremolatxa entsalada poltsak, tipulinak, zerbak, shiitakea, barazki kontserbak eta kremak...

HARAGIKIAK Behi-okela, txarrikiak, arkumeak, oilo hanburgesak, oilo salda, odolosteak...

HAURRENTZAKO JOSTAILUAK Grapat markako jostailu pedagogikoak

ARRAUTZAK ETA ESNEKIAK Arrautzak, esne freskoa, behi-jogurtak, kefirra, ahuntz-esnekiak...

GARBIKARI EKOLOGIKOAK Arroparako garbikaria, lurrerakoa, komunerakoa, baxera garbitzekoak, zakar-poltsa konpostagarriak, komuneko papera...

LEKALEAK Indaba gorriak, garbantzuak, dilistak, indaba zuriak... 

ZEKALEAK Arroz osoa, integrala, pasta osoa, integrala, spaghettiak, cous-cousa, oloa-malutak, kinoa,  gosaritarako zerealak...

AZUKREAK ETA EZTIA Kaina-azukrea, panela, koko azukrea, hur-krema, basoko eztia, mendikoa...

IRINAK Arto irina, gariarena, espelta irina...

OLIOA ETA GATZAK Añanako Gatzak, Leintz-Gatzagakoak, Nafarroako oliba olio ekologikoa... 

GAZTAK Ardi gaztak, ahuntz gaztak, behi esnez egindakoak (Karobia, Ziorregui, Ibarrola, Vista Alegre eta Ugala gaztandegiak)...

LANDAREAK ETA ONGARRIAK Garaiko barazki landareak, zohikatza, konposta... 

GARAGARDO ARTISAUAK Baias, Laugar eta Candals garagardoak (IPA, EPA, Ambar, beltza...)...

PRODUKTU BARAZKIJALEAK Seitana, tofua, humusa, soja testurizatua... 

Ekoizleak

Oilobide (Urduña) 
Oleta Baserria (Laudio)
Jon Lekanda (Laudio)
Alberto Camino (Laudio) 
Arteako Benta (Artea) 
Olako negutegiak (Laudio)
Tologorri (Urduña)
Ekotalo (Urduña-Alkiza)
Zizare-enea (Zeberio)
Ana Mari harategia (Laudio)
Itxinapeko okela (Orozko)
Urigoitiko txorizoak (Orozko)
Atxandieta baserria (Laudio)
Koldo Ortiz de Ginea (Artaza)
Añanako gatza (Gesaltza)
Leintz-gatzagako gatza
Gure Ahaleginak (Urduña)
Vista Alegre (Karrantza)
Ugala gaztandegia (Zaballa)
Karogia gaztandegia (Inoso)
Ibarrola gaztandegia (Aiara)
Ziorregi gaztandegia (Inoso)
Delika2 shiitakea (Delika)
Istrupiza eztia (Ziorraga)
Iza okindegia (Orozko)
Gastaka pastelak (Orozko)
Candals garagardoak (Laudio)
Baias garagardoak (Oiardo)
Laugar garagardoak (Mungia)
Barañano likoreak (Amurrio)
Garbilabel (Laudio)
Zuaitzo (Gasteiz)
Martinelli pasta (Nafarroa)
El Alcaravan (Nafarroa)
Iturri kontserbak (Nafarroa)
Candido Besa (Eskuernaga)
Biba Ardoak (EH)
Asturcilla (Asturias)
Gumendi (Nafarroa)
Ekolo (Nafarroa)
Bioartesa (Granada)
Joguines Grapat (Girona)

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide