DESKONFINAMENDUA

Aiaraldeko herri batetik bestera joateko aukera egongo da astelehenetik aurrera

Herri batetik bestera mugitzeko aukera egongo da astelehenetik aurrera. / Aiaraldea

Urduñako herritarrek Amurrio eta Aiara bisitatzeko aukera izango dute, besteak beste.

Arabako, Bizkaiko eta Gipuzkoako herritarrak euren probintzian zehar mugitu ahalko dira astelehenetik aurrera. Eusko Jaurlaritzak bihar argitaratuko du neurri berri hori arautuko duen dekretua, baina neurri horren nondik norako ugari jakinarazi ditu dagoeneko.

 

Herritarrek euren Lurralde Historikotik mugitu ahalko dira, baina aukera izango dute baita beste lurralde historiko batera joateko, bata bestaren alboan dauden udalerrien kasuan. Hau da, Urduñarrek Amurrio eta Aiarara joateko aukera izango dute, eta alderantziz. Arakaldoarrak Laudiora joan ahalko dira, orozkoarrak Laudio zein Amurriorekin komunikatu ahalko dira, eta Arrankudiaga zein Zolloko bizilagunek Laudio zein Okondo bisitatu ahalko dituzte. Ildo beretik, Artziniegatik Gordexola zein Aiarara mugitzeko parada egongo da, baita Okondotik Sodupe zein inguruetara hurbiltzekoa ere.

 

Horrez gain, herritarrek aukera izango dute euren probintziaren barruko edozein kirol azpiegitura pribatura joateko. Maiatzaren 25ean bigarren fasera igarotzea da Jaurlaritzaren asmoa.

 

Informazio gehiago hemen.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide