AZKEN DATUAK

Osakidetzak ez du koronabirus kasu berririk topatu eskualdean

Amurrioko osasun zentroa, artxibo irudi batean. / Aiaraldea.eus

Osakidetzako txostenaren arabera, atzo eta herenegun ez zen COVID-19 birusak kutsatutako aiaraldearrik topatu. 

Fase aldaketa gerturatzearekin batera, eguneroko txostenaren eredua aldatu du Osakidetzak. Azken egunetan, COVID-19 birusagatik gaixotuta zeudela frogatutako eriak soilik plazaratu dituzte eguneko informean. Atzokoan ez zen eskualdean kasurik detektatu. Aurreko bi egunetan ere ez zituzten positiborik erregistratu. Hala ere, kasuak udalerriz udalerri kontatzeari utzi dio Osakidetzak, "Bestelakoak" izeneko atalean denak sartuta. Gauzak hala, ezin da ziurtatu aurreko egunetan eskualdean kasurik detektatu den edo ez. 

Atzoko datuei dagokionez, ordea, ez da kutsatu berririk azaldu "Bestelakoen" artean. Horrenbestez,  Aiaraldean ez da positiborik detektatu. Araban, Bizkaian eta Gipuzkoan ostiralean 16 kasu baieztatu ziren, eta atzo 15. 

Ez-ohiko asteburua izan da ostalari batzuentzat eskualdean. Batetik, zenbait tabernek terrazak ireki dituztelako. Eta, bestetik, bihartik aurrera probintzia barnean mugikortasuna baimenduko delako. Ildo beretik, mugakide diren herrietara joateko aukera izango dute aiaraldearrek, bihartik aurrera.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide