Astelehenero bezala konfinamendua leundu zenetik, pentsiodunek elkarretaratzea egin dute Laudioko eta Amurriok Herriko plazetan eta gero anbulatoriora jo dute Osakidetzako langileei egindakoa eskertzeko.
Gaur ohiko jarduera aldatu dute pentsiodunek Laudion eta Amurrion. Izan ere, kontzentrazioa egin ostean, udalerrietako anbulatorioetara joan dira osasun sistema publikoko beharginei eskerrak emateko.
Txalo zaparrada eskaini diete eta gogor kritikatu dituzte Iñigo Urkulluk pasa den astean egindako adierazpenak: "COVID-19aren krisialdian dena eman eta gero, Lehendakariak elkartasuna eskatu die langile publikoei, murrizketak iradokita".
Anbulatorioaren aurrean, halaber, kalitatezko osasun sistema publikoa aldarrikatu dute eta azpimarratu dute Osakidetzako langileen %40ak behin-behineko kontratuak dituela.
Horrez gain, erakundeei eskatu diete nagusien egoitzetan gertatutakoari buruzko informazio guztia zabaltzea, pentsiodunek egoera zein den baloratu dezaten.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.