TUBACEXEKO KALERATZEAK

Mobilizazioa egingo dute Tubacexeko langileek ostegunean, azken bi kaleratzeak salatzeko

Txabi Alvarado Bañares 2020ko eka. 23a, 13:00
Amurrioko lantegiaren sarreran egingo dute elkarretaratzea. / Aiaraldea.eus

Ekimen gehiago egiteko asmoa dutela jakinarazi du Enpresa Batzordeak. Izan ere, azken asteetan kaleratze ugari egon dira, eta zenbait langileri zigorrak jarri dizkiete.

Ordubeteko elkarretaratzea deitu du Tubacexeko Langileen Batzordeak ostegun honetarako (ekainak 25) Amurrioko lantegiaren sarreran, 12:00etan. Lanuztea deitu dute 11:00etatik 14:00etara, behargin orok izan dezan deialdira batzeko aukera. Data hori hautatu izana ez da kasualitatea, Tubacexeko zuzendaritzak akziodunen junta deitu baitu egun berean. 

Enpresan egondako azken bi kaleratzeak salatzea izango da mobilizazioaren xedea. Enpresa Batzordeko kideek azaldu dutenez, zuzendaritzak jarraipenak egin zizkien kaleratutako langileei, “Enpresa Osasuntsuaren Proiektua” deritzon planaren baitan. Horrez gain, nabarmendu dutenez, azkenaldian zigor ugari ezarri zaizkie hainbat langileri. 

Gauzak hala, zuzendaritzak “kaleratzeen bidea” hartu du, langileen ordezkarien esanetan. “Orain bajengatik egiten dute, baina bihar produktibitate baxuagatik, puntualitateagatik edo men ez egiteagatik izan daiteke”. 

Mobilizazio gehiago

Langile Batzordeak aurreratu duenez, osteguneko ekintza lehenbiziko pausoa baino ez da izango, aurrerago “beste mota bateko mobilizazioak” deitzeko. “Badakigu gaur egungo egoera berezia dela horrelako neurriak planteatzeko, baina orain gauden tokian baldin bagaude, lehenago beste batzuek borrokatu dutelako da”.

Ekonomia

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide