Ikuskizun bikaina eskaini du Urmuga ekimenak Ponatan
Aitor Aspuru Saez
2020ko uzt. 14a, 18:25
Urmugak musika eta dantza emanaldi paregabea antolatu du gaur eguerdian Ponatako pagadian, dozenaka mendizaleren aurrean. Maider Zabalegik abestu du, besteak beste.
Gaur goizean abiatu dute Urmuga ekimena eta bere lehenengo hitzordu kulturala Gorobelgo Ponatako inguruan izan da. 13:30ak aldera Maider Zabalegik, Et Incarnatus Hari Laukoteak, Flavio Banteriak, Xabi Zeberio biolinjoleak eta Amaia Elizaran dantzariak, besteak beste, emanaldia gauzatu dute dozenaka mendizaleren aurrean.
12:30etatik aurrera hasi da jendea heltzen lekura, gehienak eskualdekoak. Gero Urmugako ibilaldia bete dutenek hartu dute tokia Ponatan. Artzainak eta espeleologoren bat ere batu da eta eguraldia bikainari artisten erakustaldia gehitu zaio goiz borobila egiteko.
Maider Zabalegik itxi du emanaldia "Alaitz eta Maider" bikotearen abesti batekin eta publikoaren laguntzarekin. Hurrengo egunetan Urmugak bere bidea jarraituko du, Euskal Herriko hainbat tontorretan barrena.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
