Prentsa ohar baten bidez jakinarazi du Tubacexek 500 langile kaleratzeko asmoa duela, baina bestelako kontu batzuk ere aipatu ditu enpresa-taldeak dokumentu horretan. Adibidez, nabarmendu du duela hiru hilabete soldata murrizketa ezarri ziela zuzendaritzako kideei, koronabirusak eragindako ondorioei aurre egiteko.
Oharrak ez du zehazten zenbatekoa izan den soldaten jaitsiera hori. Hala ere, publikoa da administrazio kontseiluko kideek urtero jasotzen duten diruaren gaineko informazioa, Tubacex taldeak burtsan kotizatzen duelako eta, ondorioz, datu horiek eta beste hainbat helarazi behar dizkiolako Balore Merkatuaren Espainiako Batzordeari.
Datu horiek begiratuta ondorio interesgarriak atera daitezke. Gaur egun 15 kidek osatzen dute Tubacexeko Administrazio Kontseilua, eta denen artean 4.192.000 euro banatu dituzte guztira 2018an eta 2019an. Diru horren zatirik handiena Jesus Esmoris kontseilariak eraman du (bihar sindikatuekin bilduko den pertsonak, alegia): 1.580.000 euro jaso zituen 2018an, eta 664.000 euro iaz.
Hemen ikusi daitezke datu guztiak:
