AZKEN DATUAK

6 pertsona gaixotu zituen koronabirusak atzo eskualdean

Izar Mendiguren Cosgaya 2020ko abuztuaren 28a
Deskargatu Info Ahotsak :

Laudion bi kasu berri agertu dira, eta Aiaran beste bi. / Aiaraldea.eus

Laudion eta Aiaran bina biztanle kutsatu ziren COVID-19 birusarekin, eta Artziniegan eta Orozkon bana.

6 aiaraldear gehiago gaixotu ziren atzo koronabirusaren ondorioz. Osakidetzak zabaldutako txostenaren arabera, 764 positibo egon ziren ostegunean Araban, Bizkaian eta Gipuzkoan. 9.176 PCR proba egin ziren guztira, eta 54 lagun ospitaleratu behar izan zituzten. Orotara, beraz, 225 biztanle daude EAEko ospitaleetan.

Aiaraldeari dagokionez, Artziniegako fokua txikitu da, dirudienez. Izan ere, pertsona bakarra detektatu zuten atzo COVID-19 birusarekin. Gogoratu beharra dago astelehenean 5 eri azaldu zirela, asteartean 1 eta asteazkenean 3. Horrenbestez, astelehenetik gaur arte 9 kasu egon dira herrian.

Amurrion, aldiz, ez zen eririk antzeman atzo. Laudion eta Aiaran bina kasu agertu dira, eta Orozkon bat. 

Aiaraldean, 570 kutsatu pandemia hasi zenetik

Gauzak horrela, herrika Aiaraldean pilatutako positiboen kopurua ondorengoa da pandemia hasi zenetik:

  • Laudio: 226
  • Amurrio: 151
  • Aiara: 74
  • Urduña: 51
  • Okondo: 8
  • Orozko: 31
  • Artziniega: 31
  • Arakaldo: 0
  • Arrankudiaga-Zollo: 1
  • Aiaraldea: 570

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide