AZKEN DATUAK

Atzo koronabirusaren 5 positibo berri erregistratu zituen Osakidetzak Aiaraldean: Laudion, Amurrion eta Okondon

Aitor Aspuru Saez 2020ko irailaren 1a
Deskargatu Info Ahotsak :

Laudioko Batzalarrin kaleko irudia, jendeak maskara jarrita./ Aiaraldea.eus

3 kasu berri Laudion izan ziren, eta beste biak Amurrion eta Okondon.

Osakidetzak plazaratu berri du txostena jakinarazteko zein emaitza utzi duen COVID-19ak EAEn. Eskualdeari dagokionez, 5 positibo berri identifikatu zituen atzo osasun sistema publikoak: 3 Laudion eta bana Amurrion zein Okondon.

Guztira, 445 gaixo berri detektatu dituzte azken 24 ordutan, eta ospitaletan 46 herritar berri daude, guztira 249. Zaintza bereziak behar dituzten lagunak, berriz, 33 dira. Kasu gehienak 0 eta 59 urte bitarteko pertsonen artean izan dira, 87 bakarrik jazo dira 60 urtetik gorako gaixoak.

Gauzak horrela, hurrengoak dira kutsatuen datuak herriz herri pandemia hasi zenetik:

  • Laudio: 232
  • Amurrio: 160
  • Aiara: 75
  • Urduña: 52
  • Okondo: 10
  • Orozko: 32
  • Artziniega: 33
  • Arakaldo: 0
  • Arrankudiaga-Zollo: 1
  • Aiaraldea: 592

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide