Koronabirusaren 4 kasu berri topatu zituen atzo Osakidetzak eskualdean, Laudion eta Urduñan

Aitor Aspuru Saez 2020ko irailaren 2a
Deskargatu Info Ahotsak :

Jendea Laudioko herrigunean gaur./ Aiaraldea.eus

Jadanik 596 positibo identifikatu ditu Aiaraldean osasun sistema publikoak pandemia hasi zenetik. Atzoko 3 Laudion agertu ziren eta beste bat Urduñan.

Osakidetzak eguerdian zabaldu du egunero argitaratzen duen txostena koronabirusari buruz. Atzo analisiek 4 positibo gehiago utzi zituzten eskualdean; 3 Laudion eta beste bat Urduñan.

Kutsatu berriekin 600 kasutik gertu geratu da eskualdea, abuztuaren erdialdean 500era heldu eta gero. Izan ere, abuztuaren 5era arte, positibo berriak tantaka agertzen ziren, baina egun horretatik aurrera nabarmen igo dira. 461 kasutik egungo 596ra, hain zuzen.

Abuztuko lehen egun horietan Lanbideko bulegoa itxi behar izan zuten eta geroztik gaixo berriak biderkatu dira. Esaterako, abuztuaren 21ean gailurra izan zen, 14 kasu berri agertu baitziren Aiaraldean.

Edonola ere, herriz herri hurrengoak dira datuak:

  • Laudio: 235
  • Amurrio: 160
  • Aiara: 75
  • Urduña: 53
  • Okondo: 10
  • Orozko: 32
  • Artziniega: 33
  • Arakaldo: 0
  • Arrankudiaga-Zollo: 1
  • Aiaraldea: 596

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide