AZKEN DATUAK

Atzo COVID-19aren bi kasu diagnostikatu zituen Osakidetzak Aiaraldean, biak Orozkon

Aitor Aspuru Saez 2020ko irailaren 3a
Deskargatu Info Ahotsak :

Orozkoko anbulatorioa. / Aiaraldea.eus

Atzoko datuekin alderatuta, erdira murriztu da gaixo berrien kopurua Aiaraldean. Agertutako bi kutsatuak orozkoarrak dira. 

Osakidetzak egunero plazaratzen duen txostenean jakinarazi du atzo bi koronabirus kasu berri agertu zirela Aiaraldean, eta biak Orozkon izan zirela.

Datu hori azken asteko onena izan da, aurreko egunetan zenbaketak gainetik egon baitira. Atzoko datuen txostenak hobetu egin du estatistika orokorra, kutsaduren ratioa 0,94an kokatu baita EAEn, asteartean 0,99an egon ostean.

Berez, Araban 53 positibo gehiago identifikatu zituzten -guztiak Gasteizen- eta Bizkaian 360. ZIUn 47 herritar daude, asteartean baino 8 gehiago; eta ospitaletan 259 gaixo, asteartean baino 9 gehiago.

Gauzak hala, pandemia hasi zenetik ondorengoak dira eskualdeko herrietan azaldutako koronabirus gaixoak, herrika:

  • Laudio: 235
  • Amurrio: 160
  • Aiara: 75
  • Urduña: 53
  • Okondo: 10
  • Orozko: 34
  • Artziniega: 33
  • Arakaldo: 0
  • Arrankudiaga-Zollo: 1
  • Aiaraldea: 598

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide