COVID-19aren 18 positibo berrirekin bukatu da asteburua Aiaraldean

Aitor Aspuru Saez 2020ko irailaren 7a
Deskargatu Info Ahotsak :

5 herritan jaso dira positiboak. / Urduñako Udala

9 kasu Laudion izan dira, 5 Urduñan, 2 Amurrion eta bana Arrankudiaga-Zollon eta Orozkon.

Asteburuan Osakidetzak 18 koronabirus gaixo berri detektatu ditu Aiaraldean. Gehienak Laudion izan dira, 9. Urduñan 5 identifikatu dituzte eta beste 2 Amurrion. Arrankudiaga-Zollok eta Orozkok kasu bana gehitu dituzte.

Horietako 8 gaixo ostiralean berretsi zituzten; 5 Laudion, 2 Urduñan eta 1 Amurrion. Larunbatean 3 positibo jazo ziren: bana Amurrion, Laudion eta Orozkon.

Azkenik, igandean 7 kasu topatu zituzten: 3 Laudion eta beste 3 Urduñan eta 1 Arrankudiaga-Zollon.

Egun 280 herritar daude EAEn ospitaleratuak eta 49 ZIUn, ostegunean baino 2 gehiago. Berez, erkidegoaren ratioa nabarmen igo da igandean. Ostiralean 0,92an egotetik 0,97ra igaro da igandean.

Hauek dira koronabirusagatik gaixotu diren pertsonen kopuruak pandemia hasi zenetik, herriz herri:

  • Laudio: 251
  • Amurrio: 163
  • Aiara: 75
  • Urduña: 59
  • Okondo: 10
  • Orozko: 35
  • Artziniega: 33
  • Arakaldo: 0
  • Arrankudiaga-Zollo: 2
  • Aiaraldea: 625

Osasuna Euskal Herria

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide