Aiaraldean koronabirus kasu berriak bikoiztu egin ziren atzo, asteartean bi soilik jazo eta gero. Osasun sistema publikoak jakinarazi du atzo 4 positibo berri identifikatu zituela, 3 Laudion eta beste bat Urduñan.
Berez, Euskal Autonomia Erkidegoko ratioak gora egin zuen berriro 1,04an kokatu arte, atzo 1,02an zegoen. Guztira, 635 kasu gehiago topatu zituen Osakidetzak 8.389 PCR proba eginda.
Araban 97 izan ziren positiboak, Bizkaian 342 eta Gipuzkoan 174. Ospitalean 233 lagun daude, atzo baino 14 gutxiago. Hori bai, ZIUn 3 herritar gehiago daude.
Guztira, eskualdeko kutsatu kopurua pandemia hasi zenetik hurrengoa da:
- Laudio: 259
- Amurrio: 164
- Aiara: 75
- Urduña: 60
- Okondo: 11
- Orozko: 35
- Artziniega: 33
- Arakaldo: 0
- Arrankudiaga-Zollo: 2
- Aiaraldea: 636
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
