AZKEN DATUAK

10 COVID-19 kasu berri agertu dira Aiaraldean asteburuan; Laudion, Okondon eta Amurrion

Laudion 5 positibo topatu dituzte asteburuan. / Aiaraldea.eus

Osakidetzaren datuen arabera, Laudio eta Okondo izan dira udalerririk kaltetuenak, 5 eta 4 kutsatu berri izan baituzte, hurrenez hurren, asteburuan.

Osakidetzak plazaratu berri du koronabirusaren eboluzioari buruz osatzen duen txostena. Gaur asteburuko datuak argitaratu ditu eta Aiaraldean 10 positibo berri jazo dira. Zehazki, horietako 5 Laudion izan dira, 4 Okondon eta bakarra Amurrion.

Laudion eta Amurrion joera ez da bereziki aldatu, Okondon, ordea, igoera nabarmena da. Asteburu bakarrean herriko kutsatu kopuruak gora egin baitu %33,3an. Berez, ostiralean 3 kasu gehiago diagnostikatu zituen Osakidetzak eta larunbatean laugarrena.

Laudiori dagokionez, ostiralean 2 positibo berri agertu ziren, larunbatean beste 2 eta igandean azkenengoa. Amurrion, aldiz, ostiralean agertu zen gaixo berri bakarra.

EAEko egoerari erreparatuta, 24.986 PCR proba egin ditu osasun sistema publikoak eta horien artean 1.232 izan dira positiboak. Ospitaleratuak 273 dira jadanik eta horietako 55k behar dituzte zaintza intentsiboak. Horrezkero, asteburuan ratio igo eta 0,92an kokatu da.

Eskualdeko kutsatuen kopuruak pandemia hasi zenetik hurrengoak dira, herriz herri:

  • Laudio: 275
  • Amurrio: 179
  • Aiara: 76
  • Urduña: 69
  • Okondo: 16
  • Orozko: 35
  • Artziniega: 36
  • Arakaldo: 0
  • Arrankudiaga-Zollo: 2
  • Aiaraldea: 685

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide