Asteartean 3 positibo jazo eta gero, Aiaraldean ez zen COVID-19 birusaren positiborik detektatu atzo. Iraileko markarik onena izan da, azken egunean izan den arren. Berez, atzora arte egun guztietan topatu du Osakidetzak gaixo berriren bat.
Edonola ere, EAEko datuei erreparatuta, badirudi nolabaiteko kasualitate estatiskoa izan dela. Hau da, nahiz eta datu baikorra izan, ez dirudi joera aldaketa bereziki garrantzitsua suposatuko duenik. Izan ere, azken asteotan egun askotan positibo bakarra, 2 edo 3 gertatu dira eta erkidegoko batezbestekoak ez dira hainbeste aldatu.
Berez, atzo baino 47 positibo gutxiago diagnostikatu ditu osasun sistema publikoak Araban, Bizkaian eta Gipuzkoan, 385, alegia. Hori bai, asteartean 9.741 PCR proba gauzatu zituzten bitartean, atzo 1.228 gehiago egin zituzten, 10.969 guztira.
11 ospitaleratu gutxiago daude Osakidetzako azpiegituretan, 245, atzoko datuekin alderatuta. Halaber, 55 gaixorekin, herritar bat gutxiago dago Zaintza Intentsiboko Unitateetan. Horrenbestez, ratioa jaitsi da eta 0,94an kokatu da.
Lurraldeka, Arabak 63 kasu atzeman zituen, Bizkaiak 138 eta Gipuzkoak 175.
Hauek dira eskualdeko kutsatuen kopuruak pandemia hasi zenetik kontatuta:
- Laudio: 276
- Amurrio: 179
- Aiara: 76
- Urduña: 70
- Okondo: 17
- Orozko: 35
- Artziniega: 37
- Arakaldo: 0
- Arrankudiaga-Zollo: 2
- Aiaraldea: 689