CGT sindikatuak urrian hainbat lanuzte aurreikusi ditu gaurtik aurrera. Zehazki, txanda bakoitzeko 2 orduko etenaldiak egingo dituzte gaur, urriaren 15ean, 20an eta 22an; eta 4 ordukoak 27an eta 29an. Azaroan ere jarraituko du protestak. Hori dela medio, Renferen zerbitzuan tren gutxiago egongo dira.
Tren zerbitzu publikoan arazoak pilatzen ari dira. Pasa den astean Aiaraldea Hedabideak azaldu zuen gidarien eskasiak tren zerbitzuaren kalitatean eragin duela. Halaber, hurrengo asteetan CGTk deitutako lanuzteek ere sortuko dute garraio publikoaren erabiltzaileek aukera gutxiago izatea C-3 linea baliatzeko.
Izan ere, CGTk salatu du ADIF enpresa kanpoko gero eta jende gehiago kontratatzen ari dela, eta langile berriek ez dutela trebakuntzarik. Horrek arriskuan jartzen ditu zerbitzuaren funtzionamendua eta bereziki azpiegituren eta beharginen segurtasuna, sindikatuaren aburuz.
CGTren hitzetan, enpresa eta langile batzordearen arteko azken bilerako aktan desagertu egin da arazo hori, eta euren kabuz antolatu behar izan dituzte lanuzteak.
Protesten ondorioz, tren ordutegia aldatuko da. Berez murrizketen berri emateko C-1 eta C-2 ibilbideetan kartelak jarri badituzte ere, C-3 linean ez dituzte moldaketak aditzera eman geltoki guztietan.
Lanuzteen egunak eta ordutegiak
Gauzak horrela, sindikatuak mobilizazioak egingo ditu gaur, urriaren 15ean, 20an eta 22an eta etenaldiak 2 ordukoak izango dira:
- 01:00-03:00
- 10:00-12:00
- 17:00-19:00
Hurrengo asteetan lanuzteak indartuko dituzte eta urriaren 27an eta 29an eta azaroaren 3an eta 5ean, ordea, 4 ordukoak izango dira:
- 11:00-15:00
- 15:00-19:00
- 23:00-03:00
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
