7 COVID-19 kasu berri detektatu dituzte eskualdean ostiraletik astelehenera bitartean. Laudion atzeman dira positibo gehienak, bost guztira: bina ostiral eta igandean, eta bat larunbatean. Urduñan eta Amurrion, aldiz, bana topatu dituzte, ostiralean eta astelehenean, hurrenez hurren.
Hala jakinarazi du Osakidetzak gaur eguerdian plazaratutako txostenean. Dokumentu horren arabera, ostiralean 584 positibo detektatu ziren guztira EAEn, 10.261 proba eginda. Larunbatean 9.939 test egin ziren, baina positibo kopuru berdina baieztatu zen. Igandean, aldiz, 6.870 proba egin eta 363 positibo baieztatu zituzten. Azkenik, astelehenean 6.763 test egin ziren, eta horietako 529k eman zuten positibo.
Hauek dira eskualdean Osakidetzak topatu dituen positiboen kopuruak pandemia hasi zenetik kontatuta:
- Laudio: 289
- Amurrio: 184
- Aiara: 76
- Urduña: 72
- Okondo: 18
- Orozko: 35
- Artziniega: 37
- Arakaldo: 0
- Arrankudiaga-Zollo: 4
- Aiaraldea: 712
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
