Orain arteko daturik okerrenatarikoa bildu du Aiaraldeak COVID-19 birusari dagokionean. Izan ere, atzoko egunak -urriaren 27ak- 19 eri gehiago utzi zituen bailaran. Udazkeneko datu txarrena izan da, orain arte. Ondorengoak izan ziren, herrika, atzo diagnostikatutako gaixoak:
- Laudio 12
- Aiara 3
- Orozko 2
- Amurrio 1
- Artziniega 1
Laudio eta Amurrio "gune hori" gisa markatu ditu Osakidetzak, atzo bezala. Alabaina, hedapen tasa handitu da bi udalerrietan. Atzo Laudion 201.69koa zen kutsatze tasa, eta gaur 250.75ekoa. Amurrion, berriz, 10 puntu igo da, 95.98tik 105.58ra hain zuzen.
Asteari dagokionez, horrelakoa izaten ari da kasuen agerpena eskualdean:
| Udalerria | Urriak 23 | Urriak 24 | Urriak 25 | Urriak 26 | Urriak 27 |
| Amurrio | 1 | 1 | 1 | 0 | 1 |
| Aiara | 2 | 1 | 0 | 1 | 3 |
| Artziniega | 0 | 0 | 1 | 2 | 1 |
| Laudio | 0 | 0 | 4 | 2 | 12 |
| Urduña | 0 | 2 | 0 | 1 | 0 |
| Orozko | 0 | 0 | 0 | 0 | 2 |
| Okondo | 0 | 0 | 0 | 0 | 0 |
| Arrankudiaga-Zollo | 0 | 0 | 0 | 0 | 0 |
| Arakaldo | 0 | 0 | 0 | 0 | 0 |
| Guztira | 3 | 4 | 6 | 6 | 19 |
Herriz herri eskualdean positiboen zenbaketa hurrengoa da pandemia hasi zenetik:
- Laudio: 338
- Amurrio: 195
- Aiara: 88
- Urduña: 78
- Okondo: 18
- Orozko: 42
- Artziniega: 43
- Arakaldo: 0
- Arrankudiaga-Zollo: 4
- Aiaraldea: 804
Datu orokorrei erreparatuta, atzo 15.070 PCR froga egin ziren guztira EAEn, eta horietatik 1.094 izan ziren positibo eman zutenak.